IBHK 網絡媒體

尖沙咀凱悅酒店咖啡廳 任食活龍蝦 櫻花甜品超吸引

尖沙咀凱悅酒店咖啡廳,推出全新「春日初綻和風自助餐」及無限量原隻波士頓活龍蝦,還有以櫻花入饌,讓大家可味遊日本。 

最大亮點是無限量是現煮「悅新鮮」生猛龍蝦專區,廚師即時烹調,鮮甜彈牙的原隻波士頓活龍蝦。

隻隻即叫即煮,任點任食,原汁原味好鮮甜。

自助餐的特色之一必定有冰鎮海鮮,小龍蝦、長腳蟹、大蝦……等。

冷盤就有自製肝醬、巴馬火腿、各式凍肉、自家製三文魚及芝士。

鐵板燒專區就有清酒火焰竹荀,及招牌鐵板火焰鴨肝多士配杏脯,全部是即燒,雖然每次都夾唔到時間,睇唔到火焰鴨肝多士,但鴨肝入口即溶加埋有麵包伴底,感覺上一齊食無咁油膩。而火焰竹荀就幾爽口都清甜,但未感受到有火焰的焦香。

要食乳豬就要排隊,廚師即切,每人兩件,皮脆肉嫩。

即烤區就掛了好吸睛的羊架、豬腩肉及菠蘿,即切即烤,香噴噴的好惹味。

廚師切好豬腩肉,再在烤爐上過一過火,皮好脆肉仲好juicy;烤菠蘿真是超甜。

必食就有手釣原條黃鰭吞拿魚,黃鰭吞拿魚就有壽司、刺身及魚生飯。

柚子汁昆布焗三文魚,魚香味都幾濃郁,加了柚子汁令三文魚更清新,都幾惹味。

自選麵條、配料及湯底後,廚師即場為你炮製,除清湯外,仲有麻辣湯底,味道都香濃,不辣都幾滋味。

幾款用櫻花製成的甜品,分別是瑞士蛋糕卷,在忌廉內加入櫻花醬及日本白豆蓉,蛋糕卷的釉面上,加上鹽漬櫻花,又靚又好味。還有應該用日本白豆蓉及櫻花醬製成的羊羹,仲有脆餅配櫻花雪糕,口感好清新,個人覺得一定要試。

甜品專櫃就有好多款精緻的甜品。

喜愛士多啤梨的我,就又點會放過士多啤梨甜品,其中拿破崙好脆口又好味。

榴槤蛋糕真是好濃的榴槤味。

一入門口就見到櫻花的裝飾,又是時候打卡了。

 

自助晚餐 

星期一至五:晚上 6時至 10時 

星期六、日及公眾假期:晚上 6時30分至10時 

星期一至四           成人 $668 / 小童 $334 

星期五至日、公眾假期前夕及公眾假期  成人 $728 / 小童 $364 

 

凱悅酒店咖啡廳

地址:香港尖沙咀凱悅酒店大堂樓層 

訂座電話: 3721 7700 或 https://bit.ly/3kMgN8L  預訂。