IBHK 網絡媒體

東海薈拉斐特手機點餐慳十元 方便又清晰  

東海薈拉斐特,中午時段轉了用手機點餐,個人覺得真是超方便,而且好簡單,Scan 左個QR Code,即刻睇到有何選擇,自己選取個人喜好,食幾多錢即時睇到,最正覝在用手機點餐可慳十元,真是食多一個叉燒都可以呀!

依家用scan 呢個QR就可以自己點餐。

呢度的皇者脆皮燒鵝及掛糖叉燒都好出位,燒鵝肉質柔軟鬆化,皮薄香脆。

叉燒富肉汁而且肉質軟嫩!

這裡還有亮點就是點心每位上,即是你自己食就點,唔駛就來就去又食多左,仲可以試多幾款。上枱時都是霧煙的,熱辣辣的東海蝦餃皇,大大隻的入面全是爽口彈牙的鮮蝦;翡翠帶子燒賣上面的帶子不算大粒,但幾鮮甜;流汁小籠包入口湯汁全送進口內,肉嫩多汁;上素粉果有菇粒好香。

鮑汁鳯爪,扣得好腍又入味的鳯爪,與鮑汁真是超級的夾。

蜜汁叉燒包及風味潤腸卷,兩款包都是軟滑,前者叉燒超多汁,好滋味,後者是邪惡一點,但潤腸質感豐富,甘香惹味,試一件都無問題喇!

瑤柱花菇灌湯餃,上湯幾清甜,只是皮厚了一點,否則更美味。

蔥花炸兩就點了,想不到炸兩會是脆卜卜的真是有驚喜。

銀芽肉絲煎麵的麵炸得好脆。

食時淋上肉絲,又是另一種口感,好味。

北菇棉花雞,真是幾足料,大大件雞肶肉,魚肚吸引了雞汁的精華,好清甜又夠軟滑。

來個古法馬拉糕作結,黑糖的清香,鬆化的馬拉糕,滋味呀!